ප්‍රාදේශීය ලේකම් කාර්යාලය - වනාතවිල්ලුව

විස්තර

අගෝස්තු 23 2022

කිරි ගව පාලන ජීවනෝපාය සංවර්ධන වැඩසටහන - වනාතවිල්ලුව

වනාතවිල්ලුව ප්‍රාදේශීය ලේකම්තුමන්ගේ මඟපෙන්වීම ඇතිව, වනාතවිල්ලුව ප්‍රදේශයේ ජනතාවගේ ආර්ථික තත්ත්වය ඉහළ නැංවීමේ අරමුණින් ක්‍රියාත්මක ජිවනෝපාය සංවර්ධන වැඩසටහන යටතේ, කිරි ගව පාලනය පිළිබඳ එක්දින වැඩමුළුවක් පසුගියදා වනාතවිල්ලුව ප්‍රාදේශීය සභා රංග ශාලාවේදී සාර්ථකව පැවැත්විණි.

මේ සඳහා කිරි ගව පාලනයේ නියැලීමට බලාපොරොත්තුවන පවුල් 120 ක පමණ අය සහභාගි වූ අතර ඔවුන්ට 6% සහනදායි පොලී අනුපාතයක් යටතේ රු. 100,000 සිට 2,000,000 දක්වා ණය ලබා ගැනීමේ පහසුකම් ඇත. වැඩසටහන ශ්‍රී ලංකා මහ බැංකුවේ අධීක්ෂණය යටතේ සිදුවන අතර පුත්තලම ප්‍රාදේශීය සංවර්ධන බැංකුව විසින් (RDB) අවශ්‍ය මූල්‍ය පහසුකම් සපයයි.

මෙම වැඩසටහන වනාතවිල්ලුව ප්‍රාදේශීය ලේකම් කාර්යාලයේ සමෘද්ධි අංශය, ශ්‍රී ලංකා මහ බැංකුව, පුත්තලම ප්‍රාදේශීය සංවර්ධන බැංකුව සහ SAPP ආයතනය එක්ව සංවිධානය කරන අතර මෑත කාලයේ වනාතවිල්ලුව සමෘද්ධි අංශය විසින් සංවිධානය කරන ලද තුන්වැනි ජීවනෝපාය සංවර්ධන වැඩසටහන වේ.

තවත් කියවන්න: කිරි ගව පාලන ජීවනෝපාය සංවර්ධන වැඩසටහන - වනාතවිල්ලුව

විස්තර

අගෝස්තු 18 2022

නොමිලේ අක්ෂි කඳවුර - වනාතවිල්ලුව (16.08.2022)

වනාතවිල්ලුව ප්‍රාදේශීය ලේකම්තුමන්ගේ මඟපෙන්වීම ඇතිව, කොට්ඨාසයේ ජනතාව වෙනුවෙන් නොමිලේ අක්ෂි සායන මාලවක් වනාතවිල්ලුව පොළ භූමියේ දී සහ කරතිව් උතුර සේවා පියසේ දී පසුගියදා පැවැත්විණ. මෙම සායන සඳහා 165 දෙනෙකු සහභාගී වූ අතර ඉන් 125 දෙනෙකු සඳහා නොමිලේ ඇස් කණ්නාඩි ලබා දීම සිදු කෙරිණි. තවද හඳුනාගත් අක්ෂි රෝග වලින් පෙළෙන පිරිස් ඉදිරි ප්‍රථිකාර සඳහා යොමු කෙරිණි. අක්ෂි සායනය වනාතවිල්ලුව ප්‍රාදේශීය ලේකම් කාර්යාලයේ සමාජ සේවා අංශය සංවිධානය කර තිබූ අතර සෙරන්ඩිප් ලංකා පදනම අනුග්‍රහය ලබා දී තිබුණි. සායනය සාර්ථක කරගැනීමට ලබාදුන් සහයෝගය වෙනුවෙන් වනාතවිල්ලුව ප්‍රාදේශීය සභාවේ සභාපතිතුමන්ට විශේෂ ස්තුතියක් හිමිවේ.

තවත් කියවන්න: නොමිලේ අක්ෂි කඳවුර - වනාතවිල්ලුව (16.08.2022)

විස්තර

අගෝස්තු 19 2022

"උදළු සවිය" ගෙවතු වගා වැඩසටහන - වනාතවිල්ලුව (15.08.2022)

වනාතවිල්ලුව ප්‍රාදේශීය ලේකම්තුමන්ගේ මඟපෙන්වීම ඇතිව, කොට්ඨාසයේ ආහාර සුරක්ෂිතතාවා ප්‍රවර්ර්ධනය කිරීමේ අරමුණින් ක්රියාත්මක "උදළු සවිය" ගෙවතු වගා වැඩසටහන යටතේ ගෙවතු වගා සියයක් සඳහා අවශ්ය පැළ, බීජ වර්ග සහ කාබනික පොහොර බෙදා දීම වනාතවිල්ලුව ප්‍රාදේශීය ලේකම් කාර්යාල ශ්රවණාගාරයේ දී පසුගියදා සිදුකෙරිණි. මෙහිදී, ගෙවතු වගා කරුවන්ට අවශ්ය තාක්ෂණික දැනුම සහ පුහුණුව වනාතවිල්ලුව ගොවිජන සේවා මධ්යස්ථානය මඟින් සැපයෙන අතර වැඩසටහන වනාතවිල්ලුව ප්‍රාදේශීය ලේකම් කාර්යාලය, රම්ය ලංකා ආයතනය සහ ජාතික සාම මණ්ඩලය එක්ව සංවිධානය කර තිබුණි.

තවත් කියවන්න: "උදළු සවිය" ගෙවතු වගා වැඩසටහන - වනාතවිල්ලුව (15.08.2022)

විස්තර

අප්‍රේල් 22 2022

"ඉෆ්තාර්" වැඩසටහන - 20.04.2022

අද (20) වනාතවිල්ලුව ප්‍රාදේශීය ලේකම් මිලංග ප්‍රභාත් නන්දසේන මහතාගේ ප්‍රධානත්වයෙන් කාර්යායේ දී "ඉෆ්තාර්" වැඩසටහනක් පැවැත්විණි. ලොව පුරා වසන සියලු මුස්ලිම් ජනතාව ඉස්ලාමීය දින දර්ශනයට අනුව යෙදෙන රාමසාන් මාසය තුළ දින 30ක කාලයක් නිරාහාරව උපවාසයේ යෙදෙති. "ඉෆ්තාර්" යනු දිනපතා උපවාසය නිමාකරමින් සවසට ආහාර ගැනීමයි. මෙම වැඩසටහන කාර්යාලයේ නිලධාරීන් විසින් සංවිධානය කර තිබුණි.

තවත් කියවන්න: "ඉෆ්තාර්" වැඩසටහන - 20.04.2022